fbpx
GCHF
Gatwala Commercial Hub , Faisalabad is Punjab’s biggest and Pakistan’s second largest mixed use, real estate project. It has a covered area of over 3.1 million sq. ft.

This mega project, designed and developed by Shah Nawaz Associates, is located, at the junction of Canal Expressway and Lahore Sheikhupura Road. The road in front of the GCH project, has an average traffic count of 30 vehicles per minute. become, the city’s next mega center for trade, commerce, industries as well as residential projects.

 

Blog

وزیرِ اعظم نے نالہ لئی توسیع منصوبے کے لیے حتمی تجاویز پیش کرنے کی ہدایت کردی

اسلام آباد: وزیر اعظم عمران خان نے بدھ کے روز اسلام آباد میں نالہ لئی توسیع، راولپنڈی رنگ روڈ اور لئ ایکسپریس وے منصوبوں کے جائزہ اجلاس کی صدارت کی جس میں اُنہوں نے حتمی تجاویز مرتب کر کے پیش کرنے کی ہدایت کردی۔

تفصیلات کے مطابق وزیر اعظم عمران خان کو نالہ لئی توسیعی منصوبے، دونوں اطراف پر ایکسپریس وے، راولپنڈی رنگ روڈ اور صنعتی زونز کے قیام کے منصوبوں پر تفصیلاً بریف کیا گیا۔

وزیرِ اعظم نے منصوبے کا جائزہ لینے کے اجلاس سے خطاب بھی کیا۔

وزیر اعظم نے تمام اسٹیک ہولڈرز کو مشاورت کے بعد حتمی تجاویز مرتب کر کے منظوری کے لئے پیش کرنے کی ہدایت کی۔

اُنہوں نے کہا کہ نال لئی توسیعی منصوبہ راولپنڈی کے لئے کلیدی اہمیت کا حامل ہے کیونکہ اس سے لوگوں کی مشکلات حل ہوں گی۔

اُن کا کہنا تھا کہ نال لئی توسیع کا منصوبہ راولپنڈی کے رہائشی علاقوں کو سیلابی صورتحال سے بچانے کے لئے نہایت اہم ہے۔

وزیر اعظم عمران خان نے مزید کہا کہ راولپنڈی شہر کی آبادی میں اضافے کی وجہ سے پچھلے سالوں میں مختلف پریشانیوں کا سامنا کرنا پڑا تاہم اب مسائل کو حل کرنے کے لیے فوری ایکشن کی ضرورت ہے۔

انہوں نے کہا کہ راولپنڈی رنگ روڈ منصوبے اور نالہ لئی توسیعی منصوبے سے سرمایہ کاری آئے گی جس سے ذیلی صنعتیں فعال ہوں گی اور معاشی سرگرمیوں کو فروغ ملے گا۔

حالیہ اطلاعات کے مطابق منصوبے پر 71 ارب کی لاگت آئے گی۔

اجلاس میں وفاقی وزراء بشمول حماد اظہر، اسد عمر، شیخ رشید اور دیگر اعلی افسران نے شرکت کی۔

یاد رہے کہ ستمبر کے مہینے میں وزیر اعلی پنجاب سردار عثمان بزدار نے پبلک پرائیویٹ پارٹنرشپ کے تحت راولپنڈی رنگ روڈ منصوبے پر کام شروع کرنے کی باقاعدہ منظوری دی تھی۔

یہ 65.8 کلومیٹر طویل رنگ روڈ ہے جو کہ ریڈیو پاکستان روات سے شروع ہوگی اور سنگجانی پر ختم ہوگی۔ سڑک کے اطراف پر خصوصی اقتصادی زون کی تعمیر بھی ہوگی جس میں صنعتی، تعلیمی، تفریحی، طبی اور رہائشی زونز کا قیام کیا جائے گا۔

 

مزید خبروں اور اپڈیٹس کے لئے وزٹ کیجئے گرانہ بلاگ۔

Sorry, the comment form is closed at this time.